मराठी शब्द - परिचालक

          अलीकडे मराठी भाषेत अधिक नवीन शब्द दाखल होत आहेत. धिम्या  पावलाने का होईना मराठी भाषा समृद्ध होत आहे. असे वाटते.  आपण मराठी भाषा मागे पडत चालली आहे अशी ओरड करतो. मात्र मराठी भाषिकांसाठी काही चांगल्या बातम्याही आहेत.

नुकताच मी दैनिक सकाळ पेपर मध्ये एक नवीन शब्द वाचला; तो म्हणजे "परिचालक". 

 आता तुम्ही म्हणाल परिचालक म्हणजे काय? आपले म्हणणे बरोबर आहे प्रश्नही बरोबर आहे. कारण मराठी भाषा किती समृद्ध आहे याची जाणीव फक्त मराठी पुस्तके वाचणारे वाचक जाणून आहेत.असो.

      परिचालक या शब्दाचा अर्थ  इंग्रजी भाषेत ऑपरेटर असा होतो.

          25 जानेवारी रोजी घोडेगाव येथे संगणक परीचालकांनी एक  निषेध मोर्चा काढला होता. निमित्त होते संगणक परिचालक यांना कर्मचारी म्हणून दर्जा मिळावा आणि किमान वेतन मिळावे ही .

    महाराष्ट्र मध्ये सर्वच पंचायत समिती जिल्हा परिषद या स्तरावर हे आंदोलन झाले . आज आपण एकविसाव्या शतकाच्या एकविसाव्या वर्षात असताना , संगणकाचे युग प्रचंड मोठी व्याप्ती असलेले तंत्रज्ञान घेऊन आले आहे. मात्र हे संगणक हाताळणारे परिचालक अजूनही कर्मचारी म्हणून घेण्यास पात्र ठरू नयेत; हे विशेष वाटते . 

         आपण नेहमी भारत एक  महासत्ता  होणार आहे अशी चर्चा करतो, मात्र काम करणाऱ्या कर्मचाऱ्यांना त्यातल्यात्यात संगणक परिचालक यांना कर्मचार्‍याचा दर्जा आणि किमान वेतनासाठी आंदोलन करावे लागते हे दुर्दैव आहे .